نصائح لخريجي الصف السادس الاعدادي
.
كلامي موجه لطلاب السادس الي نجحوا وهم الان على ابواب التقديم للجامعة.
.
نصائح لطلاب السادس بعد النجاح ، نصائح لطلاب المرحلة الاولى ، نصائح للتقديم على الجامعة.
.
1. شوف صديقي بعد ما نجحت وخلصت من السادس لا تسمح لاحد يقارن معدلك بغيرك لان كل شخص اله قابلية ومؤهلات تختلف عن الاخر
بالفطرة
ونستذكر في ذلك قول الرسول (صل الله عليه): (كلٌ مُيسر لما خُلِق له ) اي ان لكل انسان مميزات تجعله مختلف عن غيرهِ.... ناهيك عن الظروف المحيطة بالشخص ذاته
٢. لازم تعرف انو مو الكل يصيرون اطباء ومهندسين...ولا كل طبيب ومهندس راح يكوون ناجح...
هواي راح يكونون مجرد عدد يضاف على الاطباء والمهندسين( فنصيحتي الكم لا تكونون مجرد عدد يضاف للتخصص)
..
وطبعا لا تنسون المجتمع يحتاج المعلم الناجح والمحامي الناجح والممرض والضابط والجندي حتى تكتمل متطلبات المجتمع بصورة صحيحة
..
٣. كل طالب بيكم حاليا بمعدله وبنجاحه هذا
يعتبر انجاز عظيم النفسه والعائلته بالمقام الاول
..
وصدكني فرحت اهلك بمعدلك اكثر من فرحتك انت بنفسك
لذلك افتخر بنجاحك ومعدلك مهما كان
..
٤. هواي راح تقابل ناس سامة راح تحاول تقلل من قيمتك عن طريق تهكمها على معدلك ..
فمهما كان مقدار هاي الفئة... احذفها من حياتك وخلي علاقتك بيهم سطحية
..
يعني باختصار خليلك اذن من طين من تواجه اي كلام يهدم ذاتك وقدس انجازك مهما كان)
..
٥. حاول تختار تخصص يناسب مؤهلاتك وقابليتك
بعد ان تعمل بحث عن التخصصات الي ممكن تقبلك
(يعني لازم تبحث عن مستقبل التخصص وطبيعة دراسته وكل شي يخصة )
..
٦.لازم تعرف انو بعض التخصصات بالعراق وصلت مرحلة التخمة بسبب التعليم الاهلي والمسائي
لذلك حاول تختار تخصص مطلوب وشحيح.
..
٧. تذكروا اصدقائي انتوا الي تصنعون النجاح بالتخصص الي تختاروا
وليس التخصص من يصنع لكم النجاح
(المعنى انك بأي تخصص تكدر تبدع وتنجح مو الا بتخصص معين)
..
٨.تذكر ان السادس اصبح جزء من رحلتك بالحياة وصار تجربة بتاريخك فلا تتوقف على مرحلة معينة ... وكون صاحب مسير واعتبر السادس احد المحطات الي مريت بيها
فلا تتوقف واستمر بالتقدم.
لان قصتك الي راح تحجيها من تكبر ما انتهت...
وبعدها بطور الكتابة..
..
٩. اي تخصص راح تختارة وتنقبل بي لا ترفع نفسك وتنغر... لان بالنهاية انت وسيلة حتى تخدم الناس لذا تواضع وتجنب الغرور حتى تكسب دنياك.
..
١٠. بالمرحلة الاولى من الجامعة راح تسمع او تشوف البعض يتنمر عليك علساس هو ابن بطوطه
مباشرة من السادس عبر للثانية(ولا يكعد راحة ابو راس المثلث😂)
لذلك انت دائما حاول تتجاهل هاي الفئة الفاول ولا تهتملها
..
١١. من تدخل للجامعة راح تلاحظ هواي طلاب من مختلف البيئات والطوائف
لذا احترم هذا الاختلاف وكون صديق للكل
..
وتذكر الرسمية بالعلاقة مطلوبة جدا
♡♡♡♡♡♡♡♡♡♡♡♡♡♡♡♡♡♡♡♡♡♡♡
.
هام جدا
القنوات والمواقع الرسمية لمتابعة كادر 《انا طالب 》في اي مكان على وسائل التواصل الاجتماعي حيث ستجدون المصداقية والحقيقة في نقل الاخبار سنكون معكم اول بأول
☆☆☆☆☆☆☆☆☆☆☆☆☆☆☆☆☆☆☆
تطبيق 《انا طالب》 تم تصميمهُ ليكون يد العون للطالب العراقي حيث يتضمن التطبيق كل ما يلي:
• ملازم لجميع المواد ولمختلف الاساتذة المتمييزين
• اسئلة وزارية مع اجوبتها النموذجية من مركز الفحص
• ملخصات ومراجعات مركزة لكافة المواد ولجميع الصفوف
• جداول الامتحانات الالوزارية
• الكتب الرسمية لجميع المراحل الدراسية
• التطبيق لجميع الطلبة لانه يتضمن جميع الصفوف الدراسية
🔺️لتحميل التطبيق من سامسونج بلاي اضغط هنا⬇️⬇️
●رابط التحميل
☆☆☆☆☆☆☆☆☆☆☆☆☆☆☆☆☆
🔺️يمكنكم ايضا
زيارة قناة انا طالب على اليوتيوب
للمزيد من الشروحات والاسئلة الوزارية
مع اجوبتها والمرشحات المهمة لكافة المواد
والتي ننشر بها ايضا اسئلة وشروحات
واخبار طلاب الجامعات والمعاهد
🔺️تضم المدونة كل ما يحتاجه الطالب من اسئلة ولجميع الادوار والملازم ايضا بالاضافة الى الكتب لجميع الصفوف،
تم انشاء مدونة (انا_طالب) لكي تسهل على الطالب وتستثمر وقته بدل من ضياعه وهو يبحث في الموقع عما يريده وسنكون معكم لتغطية نشر النتائج للصفوف المنتهية(الثالث متوسط والسادس الاعدادي بفرعيه العلمي والادبي والسادس الابتدائي)
إرسال تعليق